یگلولی تجن - diwanalhob.glxblog.com

یگلولی تجن اشلون ماجن . 

ونـه امن اجفاه کل اعضای ماجن .

ریت ایـام فگد المحب ماجن .

و لو جن لچن النیران بیـه .

المرحوم الشاعر محبیس الهلیجی

یگلولی نحیل اشلون منحل.

 ونـه دهری مدیم اویـای منحل.

چنت مغرم ابیوم الیسر منحل.

 العسر حزنیت من ضیم العلیـه.

المرحوم الشاعر محبیس الهلیجی

یگلولی تون اشلون ماون .

وانـه مدری بهلنـه وین ماون .

 گلتله وین حادی الظعن ماون .

 سره وادعه یخل نیران بیـه .

 المرحوم الشاعر محبیس الهلیجی

یگلولی عمـیت اشلون معما.

اذا شحمـه اعیونی اتسیل معما.

الدمع واشما غسیل الموت معما.

الموت اهون من افراگک علیـه

المرحوم الشاعر محبیس الهلیجی

طور العلوانیـه

طور الحویزاوی

طور العتابه

عذبنی انته شمتریدلان آخر ایـامک
اتعبت طلعت کلهه چذب احلامک
بعدشفید الندم اترید اتصالح اویـای
تضحک بلوجه و هذه بظهرنیشانک

جروحی تون نص اللیل ولاعن

وعجب قلبه علیـه مانشد ولاعن

انامااعتب علی العدوان ولاعن

صدیق النسانی وشب الناربیـه

اسهــام الفــرگــه صابنی ولاحـــن

دلیلـــی ولمحــب مــامــر ولاحـــن

گمت بفراگه بس اعــزف ولاحـــن

اغـــانی ابلحــن حچیـه الشح علیــه

ادامـه مطلب...

رفاق إلچنت أحس روحي خیلهم

ادامـه مطلب...

هلــي ماتـنـشدونـي مـیت لوحای

ادامـه مطلب...

بواسطة كوكشے الكربلائيے

يازين طعم العسل مخزون في شفتك

وروحي عليه ترد ولله لولحت شفتك

شفتي تعاسه واسه وصار الفرح شفتك

وكل ما اخلص حزن حزني عليه يعيد

والجان ماصدكت هاك الاجروح وعد

صايم ولا افطرت من مر عليه العيد

ايصير اعيد وانته اهلال ماشفتك

ادامـه مطلب...

الموال:

هو لون من ألوان الشعر والذي يعتبر بين الفصيح والشعبي

ادامـه مطلب...

موال

یـاصاح خلتی الخلیت عدنخوتی ایفرعون

ولهم اصل با  گلطوع او بالوفه ایفرعون

گاموا  برمح  الهزل یـا هظمتی ایفرعون

راسی اوگبل چنت اظن بیـهم لراسی شلت

یـاما اجرحونی اولعد کل جرح بادی شلت

چم دوب اسمع یـا اخی من المحاچی شلت

و الردته عون تدری شو طلع فرعون ...

الالف:آه امن الدهر یـا طاها
اقصور شُمخ اویـه الارض وطاها
الالف:آه امن الدهر و صروفه
صارویـه اهل العلم بد شوفه
لا تکشف کل حچی وتشوفه
رُبما جیفه اوشلت مُغطاها

الباء:بعد دنیـاک ما تسوه تعب
خالفت یـاصاح وإن جرهاسحب
کل سفیـه ال طمع بیـهه ولعب
تاه منـهه وما عرف معناها

التاء:تواضع وإفتکر وانظر بعید
او لا یغرک لون ملبوسک جدید
وینری او وین هارون الرشید
وین عاد الجابهه او وداها

الثاء:ثبت معلوم عند اهل الفهم
مثل ما تکرم جبیلک تِنکرم
ولیشتم الناس لابد ینشتم
والزِلم تدری الذی یدراها

الجیم:جرح السیف مع جرح السنان
اهون علی الناس من جرح اللسان
حیث جرح السیف یبریـه الزمان
او چلمتک للموت عیب انساها

الخاء:خلیل اللی تمنیتهِ دِرِع
صار لکن للعده عِز ومِنع
ردت بیـه اصیبن وانتفع
صاب وأجرح چبدتی وادماها

الدال:دار الذل بیـه لاتعیش
واسعه ارض الله عگلک لایطیش
غیر دارک دار یحصلک عریش
مثل روحک روح ماکوا سواها

الذال:ذِم إالدار ورحل بلعجل
اولا تدحلب لو رِدت تعمل عَمل
الما الک افهه ناگه وجَمل
لیش تتحمل ثقل بلواها

الراء:روحک ریحهه أوسلیـهه
دیر فکرک وإنظر التالیـهه
بعدهم دنیـاک إتأمِن بیـهه
اشعاجبک منـهه وتحب ممشاها

الزاء:زهت لزیـاد یوماً حبته
خالفت بأیـام غیره أو ذلته
رتبت واحد أو واحد خلته
إلی کان إبسَفلها سُگم بَعلاها

السین:سَلِم رایم الی رب اِلبشر
اعرف التکلیف وإقنع بالشجر
یرجمون الناس مَن بیـه الثمر
والخلیـه ما أحدید ناها

الشین:شِم برق المعالی بلخیـال
لا تعدی ایـام عُمرک بلکسال
الما یذود السیف عن حوضه الرجال
إتهدمـه او تبنی علی مبناها

الصاد:صاحبلک وَرِع من جد و جد
لا تذم اخلاقها و تحقرأحد
إنما البگه دِمت عین الاسد
حیرته وامتحن بدواها

الضاد:ضَبع الـ بالرخی عَنک یصد
لاتظن ابلازمک یصفی اویجد
اربعین مصباح لوصار إبعجِد
عوجته تظهر علی مجراها

الطاء:طاهر گال دِع عن الفکر
واعتبر بلفات إتمَنَ شـهر
مثب ما أضحکک یبکیک الدهر
لاتشوف اسرورها او تنساها

الظاء:ضدک لو نزعلک بلمضیج
ذاک عاقل بلحرب ماهو شفیج
والعدو العاقل اخیر من الصدیق
لو سمح بجهالته او اداها

العین:علی الخاطر ابرکب الهِجن
لا تمنینی أموتن بالسحَن
لو متت عطشان عسی ماء المزن
لا یطیح ولا یبل أثراها

الغین:غیر اهل العقائد والیقین
ما أشوف ابهل زمن واحد أمـین
لا یغرک هل کعک هالعجین
اخشونته إبنفس الخبُز تلگاها

الفاء:فمک لو کان ساکن یحرسک
لا تحرکه بالمجالس یفرسک
أفلح ابهل قول کل مَن درسک
وگع بیـهه او خاب من دساها

القاف:قَلَت حیلته او صار الفقیر
ایضوج مثل ام طوگ لو رادت تطیر
من تحط بالگاع،للگرجی تصیر
او من تطیر،الباز یتلگاها

الکاف:کَمن جاهل قضی العمر
قدمته او أخرت راعی البصر
عاتبت دنیـای او أدت لي العذر
کل ذي ولدٍ تود ابناها

اللام:لا تحزن علی الفات او گضی
لا ولا تفرح بمن جاک ورضی
إنما الدنیـا الحشد منـها الفضاء
بلجحافل عافها او خَلاها

المـیم:منـهو الشاف فی هذا الدهر
نجم واحد ینکسف غیر القمر
هذه شُغل الدر فی عمق البحر
والجیف تطغی علی اعلاها

النون:نجمک لو سُگم تحت البروج
او نشف بحرک لاتهم بیـهه او تضوج
ترفع الدنیـا الفروج اعلی السروج
وارجال إتگودهه امن الحاها

الواو:ویـه المـیت ماینفع جواب
والدهر من عادته ایدور الخراب
ما تشوفه ترتوی امن الکلاب
والضیـا غم ماتبل احشاها

الهاء:هوی مرکوبتی خلفی اوهوای
دوم جدامـی او مطلوبی ضرای
ماشفت بالنار للظمآن مای
والسماحه بعد عیب ارجاها

الیـاء:یبو یـاسین عند اهل الفهم
الخیر بلدنیـا یخص والشر یعم
والنبی المختار دار امن العلم
مایدهشـه الجای مِن اگفاها

الهمزه:یـا بعد هذا الکلام
یـا أخی صلی علی خیر الانام
احمد المختار مصباح الظلام
مع إالعتره وصَحبته بتلاها

البدر شع ابجبینک والله لیله
البرد بشفاک یدعج والله لیله
مضت لیله ابوصالک والله لیله
غلط بیـه الدهر وهداک لیـه

وحـق الی عله المخلوق عـــــــلأ
النبی ویــوم السرو بحشای علأ
وضعت کفی عله الدلال عــــــلأ
یسیر ویل سرو ویخـــــل علیــــه

فتگی وحدی اخیطنـه وشیله

ودمع العین ما بطل وشیله

اطبعت لذل ردت حمله وشیله

کلف موعادتی یصعب علیـه

صحیب الینفع الصاحب وشاله 

یخیطله فتگ دهره وشاله

من الدیباج فصله وشاله

یگله البس وانـه راعی حمـیه

الغبر لدعی علیـه اب مرض ماثار

ومثل فشگ اشداده ابضیج ماثار

الخارم لودگله الباب ماثار

یتگرب چن گضیب ابحلگ حیـه

جواد الکون ابرنـه ونعله

وسب العاش بذله ونعله

حاتم بلکرم عالی ونعله

ابخل لو طلبوا اصاحب علی

ابثگل الیبل همـی ونیرها

ونیران الحرب تخمد ونیرها

تیر دنیـایی بیـه و نیرها 

انتعات ولغلب یمکن بدیـه

راسی الدهر مافره مداره

ولوتسحگ ابدلالی مداره 

العمام اترید یصاحب مداره

داریـهم کل وکت للموزمـیه

بحر النیب اله عفره ورایـه

الیدشـه یختبص عگله ورایـه

ابیوم الکون الی بیرق ورایـه

ابعمامـی لوگصت وعملت بیـه

عمام الما یفیدونک ترکهم

واجب وزلم خلهه ترکهم

یلایذ عود تتریـه ترکهم

تراهو الولد انجس من ابیـه

ارحب بنوایب دوم وهله

وگولن یـاهله بلیـای وهله

الیرشک مای بلعباس وهله 

ارشـه ابدم ووصده المنیـه

ابدیـار اعدای اشب نیران واوای

وخلی اسلف کله ایصیح واوای

ارید احچی لون بزور واوای 

العناده افلاحتی ماهی شریـه

ابدیـار اعدای اشب نیران وتلف

وخلی الگاع تاخذ زلم وتلف

لون روس اسیوف اتنول وتلف 

العدو ما داس وگرب لثنیـه

صدیج المایفید ابضیج وبشر

ابعشرته ماتشوف الفرح وبشر

مرید الی عشرته ابطمع وبشر

ارید الما یعز روحه علیـه

گطعت الرجه من اخوانی ولامال 

اوراسی ماهبط لحد ولامال

انـه من الضیج ماضوجن ولامال

اضوجن من یمر شامت علیـه

العارف یلبس المعروف للشال
وعن یـار السفیـه الفضل للشال
الیفتگ لاتِحمده الحمد للشال
الفتگ والشال هم خِلّه وخویّه

أحِمده البالعگل ینشار وشّار
اشکره وأکره الشرّیر وشّار
أود کل من الحش الخیر وشّار
منایل سوء یتدهده ابهبیّه
   

الحی البی یحیی المجد حطبه

ورفض حیک البس خبث حطبه

شجر ذل الجهل بالعجل حطبه

نجس حمل الیحمله ونحس فیـه

یمن جن الهوای اجنون لهواک

یضلل منی النفس مرهون لهواک

لون حین المنیـه ابحین لهواک

اصیح اهلن وسهلن بل امنیـه

آخرین مطالب